مشاركة ابطال فيلم الممر في احتفالات حرب اكتوبر مع الرئيس عبد الفتاح السيسي

جميع ابطال فيلم الممر حضروا احتفالات حرب اكتوبر مع الرئيس السيسي وشاركوا بالقاء كلمة في الاحتفال

احمد عز: بدأ بألقاء كلمة وعبر انهم سعداء انهم بيشاركوا في الاحتفال دة لاول مرة وقال ان الفيلم كان بيبين رسالة بس الرسالة دي مش رسالة الفيلم ولكن هي رسالة الجمهور والشعب المصري والرسالة دي ان الشعب المصري والجيش كيان واحد 

وان فريق عمل فيلم الممر لو رجع بية الزمن وكان الوطن محتاجة هيرجع يلبس الزي العسكري تاني هيكون شرف وفخر ليهم 

وانهي احمد عز الكلمة بالمقولة المشهورة علي وسائل التواصل الاجتماعي المقتبصة من الفيلم وهي البسوا المموه بيخافوا منة

هند صبري: ان فيلم الممر عبرت بية مصر والامة العربية من لحظات الانكسار الي لحظات الانتصار 

وعبرت وقالت انها كان ليها الشرف انها تقوم بدور زوجة المحارب وهو كان دور كل زوجة مصرية عظيمة اللي معدنها الاصيل بيبان في المحن والصعاب . المرأة حصن وسند لاهلها وبلدها ودرها لا يقل عن دور المحارب بتضحياتها بقوة تحملها وبدعمها وحبها وايمانها بتقدر تقوم بدورها علي اكمل وجه . تحية اجلال وتقدير للمرأة المصرية العظيمة

الرئيس السيسي: شكر فريق عمل الفيلم وان الفيلم كان رسالة جميلة للمصريين كلهم . وان اداء كل من شارك كان روح بيعكس الروح المصرية . وان فريق عمل الفيلم جسد القصة الحقيقية بصورة واقعية وانهم عكسوا اللي حصل وقت الحرب للاجيال اللي مكانتش عايشة في الوقت دة . وبيوجة كلامة للمخرجين والمنتجين ان التجربة دى تجربة ناجحة وقابلة للتكرار كثيرا لان مصر الوقت اللي جاي محتاجة افلام من هذا النوع لتذكرة المصريين بالانتماء وحب البلد وتوعية الشباب