سلسلة اصل المثل ( امسك الخشب )

امسك الخشب علشان متتحسدش 

طبعا كلنا عارفين امتي بنستخدم المثل دة . كل اللي بيكون خايف من الحسد بنلاقية بطريقة تلقائية بيقول امسك الخشب وبنلاقية فعلا مسك اي حاجة خشب جنبة

المثل دة مش مقتصر بس علي المصريين والعرب ولكن بنشوف كتير من الاجانب في الافلام اللي بنتفرج عليها بيمسكوا الخشب

يقال ان في عهد الامبراطور قسطنطين ان المسيحيين كانوا بيمشوا في مواكب كبيرة ويكونوا بيلمسوا صليب خشب 3 مرات علشان يكونوا بيتباركوا منة او علشان لو عندهم مشكلة تتحل او علشان يكنوا بتحفظوا من اي حاجة هما خايفين منها
وبعد وقت حطوا صليب خشبي مركزي في القسطنطينية وكان كل اللي عايز يتبارك او خايف من حاجة هتضرة يروح يلمس الصليب دة
ومع مرور الوقت الموضوع بقي عادة عند الشعب كلة انة يلمس اي حاجة خشب سواء كان كرسي او ترابيزة علشان يكون محمي من الحسد مثلا او علشان يكون بيتبارك
والموضوع دة اتنقل لشعوب كتير جدا منها الاتراك كمان وبنشوفهم بيعملوا كدة في المسلسلات والاجانب الامريكان وغيرهم كتير شوفناهم في التلفزيون بيلمسوا اي حاجة خشب للحماية من ضرر ممكن يحصلهم

طبعا كتير منا بيعمل الحركة دي في مواقف مختلفة . بس فكرنا قبل كدة ان احنا لما نلمس الخشب دة بيكون لية تأثير فعلا ولا دة اي كلام بيتقال فبقينا بنعملة

هل الناس ايام الدولة القسطنطينية لمجرد انهم يلمسوا الصليب الخشب كانوا بيتحفظوا وبيتباركوا وبيتشفوا ولا الموضوع اكبر واهم واعمق من ان انا المس خشب

اكيد حمايتنا من الحسد او ان احنا بنكون خايفين من حاجة معينة او احنا عايزين حاجة تكون بتحصل اكبر بكتير واهم وارقي من ان احنا نلمس خشب
ربنا هو الحافظ والشافي وهو اللي بيسندنا دايما وبيقوينا ان احنا نعدي كل ظروف حايتنا الصعبة
ربنا هو السبب في ان حياتنا تكون بتمشي بشكل مختلف ومميز

اوعي تمسك الخشب تاني . امسك في ربنا واتعلق بية وخليك دايما قريب منة

شاركنا برأيك . نحب نسمعك