اسرة كانت السبب في قفل فرع بيتزا هت ( انتقامنا منهم )

اللي ميعجبناش نغيرة . معندناش هزار 

يقال ان في اسرة كان عندها رقم تليفون شبة رقم تليفون بيتزا هت في مدينتهم . كان الفرق بين الرقمين هو رقم واحد بس 

كان بيجي للاسرة دي اتصالات كتير جدا علي اساس انهم بيتزا هت وكانوا يطلبوا منهم بيتزا . لما كانوا يردوا ويقولوا ان الرقم غلط في بعض الناس مش بتكون متفهمة الموقف وتتعصب عليهم وبتشتمهم وبتزعق وبتهددهم . فطبعا دة وضع غير مريح خالص 

فطبعا الاسرة دي بلغت فرع بيتزا هت  اللي رقمهم شبهم . الرد اللي كانوا بياخدوة من فرع البيتزا انهم متأسفين عن اللي بيحصل ولكن مافيش اي حل عملي بيتزا هت عملتة 

الكارثة اللي حصلت بعد كدة ان شركة بيتزا هت قررت انها تعمل دعاية واعلانات ليها في الجرايد واعلانات الشوارع ودليل التليفونات . تخيلوا اية اللي حصل بدل ما يحطوا رقم فرع بيتزا هت اللي في المدينة حطوا رقم الاسرة اللي شبة رقمهم . طبعا بعد الغلطة دي تليفون الاسرة مبطلش اتصالات . قبل الاعلان كان يجيلهم 5 اتصالات في اليوم تقريبا اما بعد الاعلان بقي يوصلهم تقريبا 200 اتصال يوميا . وكانوا دايما يردوا علي التليفون ويدوهم رقم بيتزا هت الصح علي امل ان الاتصالات تكون بتقل مع الوقت وان الناس تتفهم الموقف . ولما كانوا يتجاهلوا الاتصالات دي كانت توصلهم رسايل متسجلة مزعجة جدا 

بعد كل اللي حصل  الاسرة راحت لفرع بيتزا هت وقالتلهم احنا مش عايزين نغير رقمنا بس علي الاقل لو احنا اللي هنغير رقمنا ادونا قيمة الرقم الجديد علشان نقدر نغير رقمنا . جالهم رد من المدير علي كلامهم  ان الاسرة دي السبب في ان بعض العملاء غير راضيين عن الخدمة في بيتزا هت بسبب المكالمات اللي بتيجي للاسرة ومش بيردوا عليها او ان العملا مش بيلاقوا طلبهم وانهم بيخسروا الزباين بسببهم . طبعا الاسرة استغربت الكلام دة جدا لان بيتزا هت هما السبب في كل اللي بيحصل دة . وكانوا بيخسروا اللاف الدولارات شهريا . مش كان اسهل لبيتزا هت انهم يدفعوا تكلفة رقم التليفون الجديد للاسرة . الاسرة كانت تقدر تدفع تكلفة التليفون الجديد بس بعد اللي سمعوة من مدير فرع بيتزا هت قرروا انهم يكونوا بياخدوا رد فعل مختلف 

الاب قال لاولادة انا عايزكم تستقبلوا كل المكلمات اللي هتيجي علي تليفون البيت وياخدوا كل طلبات الزباين ويقولوا ليهم ان طلبهم هيوصل خلال ساعة ونص. ولما الزباين تتصل تاني تشتكي من التأخير يقولوا ليهم ان عامل التوصيل لسة خارج من شوية وانة هيوصلهم بسرعة . ولو اتصلوا مرة تالتة نقولهم احنا ممكن نحولكم علي المدير . والمدير دة هيكون شخص من الاسرة برضو وهيرد علي كل زبون بيشتكي ويقولة اسمع يا غبي البيتزا مش هتوصل وفلوسك مش هترجع . الاسرة استمرت علي الوضع دة لمدة اسبوعين الاب اتصل بفرع بيتزا هت وطلب منهم تاني انهم يدفعوا تكلفة رقم التليفون الجديد . المدير رد علية وبيزعق ويقول مش هنغير اي ارقام احنا مش معانا فلوس اصلا نغير رقمنا احنا . الاب قرر انة يستمر يرد علي زباين بيتزا هت وكانوا بيستفزوا الزباين واول ما يوصلوهم انهم يكونوا متعصبين جدا يروحوا يحولوهم علي رقم بيتزا هت الحقيقي والمدير الحقيقي يكون بيرد عليهم . وبعد اسابيع الشركة بدأت تدرك اللي بيحصل وراحوا اتصلوا بالاسرة وهددوهم انهم هيرفعوا قضية عليهم لانهم بيخسروا العملا بسببهم وان الاسرة بتسرق مكالمتهم مع ان بيتزا هت هما السبب في دة . الاب قال احنا مسجلين المكالمه اللي فاتت معاكم واحنا بنشرح ليكم الموقف وسوء التافهم اللي حصل وانتم تجاهلتم دة . الشركة برضو مصرة علي موقفها وقالوا ان اللي انتوا بتعملوة دة غلط وانة مش قانوني وانكم لازم توقفوا اللي انتوا بتعملوة . قرروا انهم يكملوا في انهم يردوا علي الزباين لحد ما فرع بيتزا هت اللي في المدينة عندهم قفل . بعد ما الفرع قفل المدير اتصل بالاب وقالة ان هو اذاة بشكل سئ لانة خلاة يخسر شغلة وان في بعض الزباين كانت بتروحلة الفرع وضربتة 

ازاي شركة كبيرة زي بيتزا هت فضلت انها تكون بتخسر لحد ما الفرع قفل علي انهم كانوا يدفعوا تكلفة خط تليفون جديد للاسرة دي