سلسلة اصل المثل ( احنا دفنينة سوا)
يرجع اصل المثل دة لحكاية غريبة جدا وهي
يقال ان كان في اتنين اصحاب كانوا بيتاجروا في الزيت كانوا بيبعوة وكانوا بيستخدموا حمار كوسيلة نقل
لكن في يوم الحمار دة مات. والتجار دول افتكروا ان كدة خلاص مش هيعرفوا يكونوا بيكملوا تجارتهم لانهم مش هيعرفوا ينقلوا الزيت. فكان لازم يفكروا في حل بديل. فكانت الفكرة انهم يدفنوا الحمار بتاعهم ويعملوا مقام وادعوا ان دة مقام لاحد اولياء الله الصالحين علشان الناس تيجي وتزور المقام وتكون بتدفع فلوس او اي حاجة تانية
وفي يوم من الايام واحد منهم سرق الفلوس وكل حاجة ولما صاحبة التاني اكتشف ان كل حاجة اتسرقت جة وهددة وقالة انة هيدعي علية بصاحب المقام دة لانة سرق. فصاحبة الحرامي ضحك علي كلامة وقالة احنا دفنينة سوا
النثل دة داينا بنستخدمة لما نكون عارفين حاجة عن حد ونلاقية بيعمل حاجة مختلفة او عكس اللي نعرفة
المثل دة بيدور حول ان احنا لاي مدي بنعرف نحفظ السر؟
هل انت شايف نفسك بتعرف تحفظ اسرار الناس ولا مع اول خلاف ما بينكم ممكن السر دة يتفضح عادي؟
هل السر بيكون في بير ولا مش دايما بنعرف نعمل كدة؟
اسرار الناس امانة ولازم نكون بنحافظ عليها
Comments
Post a Comment