سلسلة اصل المثل ( اللي اختشوا ماتوا )
اصل حكاية المثل.
يقال ان الحمامات التركية زمان كانت بتستعمل الخشب علشان
تكون بتسخن جو الحمام وكمان علشان تسخن الماية . وكانت اجزاء كتير من الحمام بتكون
مصنوعة من الخشب . ودة كان بيكون حمام للسيدات . وفي يوم حصل حريق في الحمام وكل
الستات كانت بتحاول انها تهرب من الحريق وتخرج برة الحمام دة . ولما رجع صاحب
الحمام سأل البواب اذا كان في حد مات ولا لا ؟
البواب جاوب صاحب الحمام وقالة ايوة
. فصاحب الحمام سألة مين اللي مات؟ البواب قال لصاحب الحمام ( اللي اختشوا ماتوا )
.
تفتكروا امتي بنستخدم المثل دة ؟
طبعا كلنا هنجاوب ونقول لما بنشوف حد بيعمل حاجة غلط .
السؤال هنا؟
هل الغلط دة لية مقاييس علشان نكون بنعرف نمشي عليها؟
هل الغلط من وجهة نظري بيكون غلط فعلا؟
هل اللي مش مناسب ليا وبيكون مناسب لغيري بيندرج تحت
مسمي الغلط؟
اية الحاجة اللي بنقدر نحكم من خلالها اذا كان دة غط ولا
لا؟
هل اختلاف المجتماعات والثقافات والاديان بيخلي الغلط دة
بيختلف من شخص للتاني؟
هل اقدر اقبل الشخص اللي قدامي لمجرد اني شايف اللي
بيتعمل دة غلط ومش مناسب ليا؟
في مقاييس و معايير ولا امشي باللي يناسبني؟
شاركنا برأيك . نحب نسمعك
Comments
Post a Comment