سلسلة اصل المثل ( المتعوس متعوس ولو علقوا في رقبتة فانوس )

طبعا كتير منا بيستخدم المثل دة 

بس قبل ما نعرف بنستخدمة لية وهو مثل صح ولا غلط 

تعالوا نعرف قصة اصل المثل

يقال ان كان في اتنين اخوات كانوا تجار واغنية ولكن في اخ فيهم خسر فلوسة وبقي فقير .الاخ الفقير دة رفض ان اي حد يساعدة حتي اخوة وكانت نفسة عزيزة علية . اخوة قرر انة يساعدة بطريقة غير مباشرة . في يوم دعي الاخ الغني اخوة الفقير انة يجي عندة . والاخ الغني حط في الطريق كيس فية فلوس علشان لما اخوة يمشي فية يلاقي الفلوس وياخدها . ولما وصل الاخ الفقير متكلمش عن اي حاجة حصلت معاة في الطريق ولا انة لقي فلوس في الطريق . فالاخ الغني سأل اخوة اذا كان لقي حاجة في الطريق ولا لا . الاخ الفقير رد وقال انة راهن نفسة انة يمشي الطريق كلة لحد ما يوصل وهو مغمض عنية ونجح انة يوصل وهو مغمض عنية . فالاخ الغني قال لاخوة الفقير المتعوس متعوس ولو علقوا في رقبتة فانوس

المثل دة بقينا نستخدمة لما نحس ان حظنا وحش او نشوف ناس حوالينا حظها وحش
السؤال؟
هل الدنيا حظوظ زي ما كتير منا بيقول كدة؟
هل في فعلا ناس منحوسة؟
ولا اللي بيحصل في حياتنا بيكون نتيجة اختيارتنا؟

الحياة حظوظ ولا الحياة اختيارات؟

شاركنا برأيك . نحب نسمعك